ខ្មែរ អាយធី

Main Board

Card Reader

Hard Disk

Power Supply

Monday, November 11, 2013

អស់កង្វល់ក្នុងការចែក Drive លើកុំព្យូទ័រដោយមិនចាំបាច់ដំឡើង Windows ជាថ្មី

8:31 PM

Sok Chenda

កន្លងទៅនេះ ប្រិយមិត្ត អាឡប់ ធ្លាប់ទទួលបានចំណេះដឹងយ៉ាងច្រើន ក្នុងការបង្ហាញគន្លឹះខ្លីៗជុំវិញការប្រើប្រាស់គ្រឿងបច្ចេកវិទ្យា។ ឥឡូវនេះ អាឡប់ មានគន្លឹះខ្លីថ្មីមួយទៀត សម្រាប់បង្ហាញដល់ប្រិយមិត្ត និងមិត្តអ្នកអានគឺវិធីក្នុងការចែក Drive លើកុំព្យូទ័រ ដោយមិនចាំបាច់ដំឡើង Windows ជាថ្មី។

ជាទូទៅ ប្រិយមិត្តចូលចិត្តចែក Drive ជាពីរគឺ Drive (C:) និងDrive (D:) ដោយ Drive (C:) សម្រាប់ដាក់ប្រព័ន្ធប្រតិបត្តិការ និងកម្មវិធីប្រើប្រាស់មួយចំនួន។ ចំណែក Drive (D:) ភាគច្រើនសម្រាប់បញ្ចូលឯកសារ, រូបភាព និងវិដេអូ ចម្រៀងជាដើម។ ចុះបើចង់បង្កើត Drive ថ្មីមួយទៀត ដើម្បីទុកប្រើប្រាស់ តើត្រូវធ្វើដូចម្ដេចទៅ?

ខាងក្រោមនេះជាវិធីងាយៗដើម្បីបង្កើត Drive ថ្មីនៅលើ HDD ដោយមិនចាំបាច់ដំឡើង Windows ជាថ្មី។ តោះ! ទៅសិក្សាស្វែងយល់ទាំងអស់គ្នា។

១.ដំបូងប្រិយមិត្តបើក Disk Management ដោយវាយបញ្ចូលពាក្យគន្លឹះ diskmgmt.msc ចូលក្នុងប្រអប់command prompt។

២.នៅលើផ្ទាំងរបស់ Disk Management សូម right-click លើ Drive ដែល Space នៅទំនេរច្រើន បន្ទាប់មកចុចលើពាក្យ Shrink Volume ដើម្បីរំលែក Space Drive ដែលនៅសល់ឲ្យទៅជា unallocated Drive មួយ។

៣. ចូរកំណត់តម្លៃជាក់លាក់មួយសម្រាប់ជា unallocated Space។

៤. ចុច right-Click មួយលើ unallocated Drive ។ ជ្រើសរើសយកពាក្យ New Simple Volume ដើម្បីកំណត់ space និង ឈ្មោះរបស់ Drive ។

៥. ជាចុងក្រោយនេះចុច right-click លើ Drive ដែលទើបបង្កើតថ្មីនោះ រួចជ្រើសរើសយកពាក្យ Format ។ ដូចនេះប្រិយមិត្តអាចប្រើប្រាស់ថ្មីនោះបានហើយ។

ដោយ៖ ខ្មែរអាយធី

ប្រភព៖ អាឡប់

Monday, September 30, 2013

6:07 PM

Sok Chenda

សំរាប់លោកអ្នកដែលប្រើប្រាស់ iOS ដូចជា iPhone រឺ iPad តើលោកអ្នកពិតជាមានការធុញទ្រាន់និងការទាមទារអោយលោកអ្នកវាយបញ្ចូលនូវ Password រាល់ពេលដែលអ្នក Download កម្មវិធីណាមួយពី App Store ដែររឺទេ?

PasswordPilot ពិតជាអាចជួយលោកអ្នកបាន PasswordPilot គឺជាកម្មវិធីរបស់ Jailbreak មួយដែលកម្មវិធីនេះនិងវាយបញ្ចូលនូវ Password App Store របស់អ្នកដោយស្វ័យប្រវត្តិនៅរាល់ពេលដែលលោកអ្នក Download កម្មធីណាមួយពី App Store ។
វិធីទាញយកកម្មវិធី៖

ដើម្បីទាញយក PasswordPilot សូមបើក Cydia ចុច Search រួចវាយ PasswordPilot បន្ទាប់មកជ្រើសយក PasswordPilot

ចុចលើ Install រួច Confirm

សូមរង់ចាំបន្តិចដើម្បីវាធ្វើការ Download និងដំឡើងលើទូរស័ព្ទដៃរបស់អ្នកបន្ទាប់ពីដំឡើងកម្មវិធីរួចរាល់ហើយសូមចុច Restart SpringBoard។

វិធីប្រើប្រាស់៖

សូមចុច Settings រួច Scroll ចុះក្រោមស្វែងរក PasswordPilot បន្ទាប់មកវាយបញ្ចូលនូវ Password App Store របស់អ្នកជាការស្រេច។

បន្ទាប់ពីនេះកម្មវិធីនេះនិងធ្វើការវាយបញ្ចូលនូវ App Store របស់ដោយស្វ័យប្រវត្តិនៅរាល់ពេលមានការទាមទារនៅពេលដែលអ្នក Download កម្មវិធីណាមួយ ពី App Store។

ដោយៈ ខ្មែរអាយធី
ប្រភពៈ Technology 2day

Wednesday, September 25, 2013

ថ្លៃដើមផលិត iPhone 5S អស់តែ ១៩១ដុល្លារទេ

5:42 PM

Sok Chenda

ទាំងប្រិយមិត្តរៀបនឹងទិញប្រើ និងកំពុងប្រើ iPhone 5S ទាំងអស់ បានដឹងឬនៅថា តើ iPhone ដែលអ្នកបានទិញប្រើតម្លៃខ្ទង់ពាន់ដុល្លារក្នុងមួយគ្រឿងនោះ មានថ្លៃដើមផលិតអស់ប៉ុន្មានទៅ? បើយោងតាមរបាយការណ៍ពីក្រុមហ៊ុនស្រាវជ្រាវផ្នែកទីផ្សារ IHS Suppli ឱ្យដឹងនៅថ្ងៃនេះថា Apple ចំណាយថ្លៃដើម ១៩១ដុល្លារ ទៅលើគ្រឿងគ្រៅ iPhone 5S 16GB និង ២១០ដុល្លារសម្រាប់ iPhone 5S ទំហំ 64GB។

អាន៖ រកឃើញកំណប់របស់ Steve Jobs កាលពីជាង៣០ឆ្នាំមុន

iPhone ជំនាន់ថ្មីទី៧ នេះបើធៀបនឹង iPhone 5 មានការចំណាយថ្លៃដើមថោកជាង ត្បិត iPhone 5S បានបន្ថែមមុខងារថ្មី Touch ID fingerprint sensor ក៏ដោយ។ iPhone 5 ដែល Apple ផលិតគឺចំណាយអស់ត្រឹមតែល្បាក់ ២០៧ដុល្លារប៉ុណ្ណោះ។

ដូចប្រិយមិត្តបានដឹងរួចមកហើយកាលពីមុន អេក្រង់ iPhone ជាធាតុផ្សំដែលមានតម្លៃថ្លៃជាងគ្រឿងគ្រៅផ្សេងៗទាំងអស់ គ្រាន់តែកញ្ចក់អេក្រង់ថ្លៃ ៤១ដុល្លារ ទៅហើយ។ បើតាមប្រភពដកស្រង់នេះបានឱ្យដឹងថា កញ្ចក់អេក្រង់ទំនងយកពីដៃគូសហការចំនួន ៣ ដែលរួមមានក្រុមហ៊ុន Sharp, LG Display និង Japan Display Inc។

រីឯ iPhone 5C ដែលចេញជាមួយពណ៌ស្រស់ស្អាតជាច្រើនពណ៌វិញ គេជឿថា Apple អាចចំណាយថ្លៃដើមផលិតអស់ចន្លោះពី ១៧៣ដុល្លារ ទៅ ១៨៣ដុល្លារ បូករួមថ្លៃផ្គុំដំឡើង ៧ដុល្លារទៀត។ iPhone ឈ្មោះថ្មីនេះ ចែកជាពីរទំហំ ហើយតម្លៃក៏ខុសគ្នាទៅតាមនោះដែរ។ iPhone 5C 16GB តម្លៃ ៥៥០ដុល្លារ ខណៈ iPhone 5C 32GB តម្លៃ ៦៥០ដុល្លារ(បញ្ជាក់៖ នេះជាតម្លៃមិនជាប់កុងត្រា)។

អ្នកវិភាគមួយរូបគឺលោក Andrew Rassweiler មកពី IHS Suppli បាននិយាយថា iPhone ទាំងពីរម៉ូដែលនេះពិតជាដូចគ្នាស្ទើរទាំងស្រុង។ ចំណុចខុសគ្នានៅត្រង់ 5S បំពាក់ A7 processor មាន memory chip ស៊ីថាមពលតិចជាងមុន និងមាន fingerprint sensor រីឯ 5C ក្រៅពីចំណុចទាំងនេះ គឺដូចតែ iPhone 5S ដែរហ្នឹង៕

ដោយ៖ ខ្មែរអាយធី

ប្រភព៖ សប្បាយ

Monday, August 12, 2013

សករាជ 5S និង 5C ដ៏អាថ៌កំបាំងត្រៀមប្រកាសនៅថ្ងៃទី១០ កញ្ញា

6:10 PM

Sok Chenda

ឆាកប្រកួតដ៏ក្ដៅគគុកនៃកំពូល Smartphone ខ្លាំងៗប៉ះគ្នាជិតមកដល់ហើយ ដោយពេលនេះសករាជអាវុធទេពដ៏រឹងមាំរបស់ Apple គឺ iPhone 5S និង iPhone 5C មិនធ្លាប់មានពីមុននោះ អាចនឹងចាប់បដិសន្ធិនៅក្នុងព្រឹត្តិការណ៍មួយរបស់ Apple ចំថ្ងៃទី១០ ខែកញ្ញាខាងមុខ។ ខាងក្រោមនេះជារូប iPhone 5S ដាក់ផ្ទៀងនឹង iPhone 5 សព្វថ្ងៃ។

Apple ត្រូវគេរំពឹងថា នឹងបញ្ចេញ iPhone ជំនាន់ថ្មីដែលស្ថិតនៅក្នុងត្រកូល iPhone 5 ដដែលនោះគឺ iPhone 5S ដំណាលគ្នានឹង iPhone ឈ្មោះថ្មីមួយទៀតមិនធ្លាប់មានគឺ iPhone 5C តម្លៃធូរថ្លៃដែលសាធារណជនសុទ្ធតែយល់ថា វាជាយុទ្ធសាស្ត្រវាយលុកទីផ្សារថ្មីមួយទៀតរបស់ Apple។

ស្របគ្នានឹងដំណឹងចេញ iPhone ទាំងពីរនេះដែរ គេហទំព័រវៀតណាម Tinhte ស្រាប់តែបានទម្លាយរូបរាង iPhone ដែលអះអាងថា ជា iPhone ជំនាន់ថ្មីមានទាំង iPhone 5S និង iPhone 5C គួរឱ្យសង្ស័យមុនថ្ងៃប្រកាសជាផ្លូវការ។ នេះក៏ជាបច្ច័យរួមផ្សំមួយក្នុងការសន្និដ្ឋានបានថា iPhone ថ្មីជិតបើកឆាកក្នុងពេលឆាប់ៗនាថ្ងៃទី ១០ កញ្ញាខាងមុខជាមិនខាន។ ខាងក្រោមនេះ ជា iPhone 5C ដែលដាក់ផ្ទៀងជាមួយ iPhone 5៖

ត្រួសៗពី iPhone 5S កន្លងមកគេថា Smartphone ថ្មីនេះនៅតែមានរូបរាង និងទំហំដូចទៅនឹង iPhone 5 សព្វថ្ងៃ តែត្រូវបានធ្វើកំណែលំអទៅលើសមត្ថភាពទាំង Hardware និង Software ដូចជា កាមេរ៉ាទំហំ 12MP ធំជាង iPhone 5 ដែលមានត្រឹម 8MP, ភ្ជាប់មកនូវភ្លើង Flash ១គូ (dual-LED flash) គុណភាពល្អជាង LED flash ដែលមានតែ ១គ្រាប់នៅលើ iPhone 5។ ចំណែកលក្ខណៈសម្បត្តិរបស់ iPhone 5C គឺដឹងត្រឹមមានកាមេរ៉ា 8MP ហើយមានតួផលិតពីសារធាតុប្លាស្ទិកតម្លៃធូរថ្លៃ។

ដោយ៖ ខ្មែរអាយធី

ប្រភព៖ សប្បាយ

Thursday, August 8, 2013

ដុន បូស្កូប៉ោយប៉ែតស្វែងរកសិស្សក្រីក្រសិក្សាជំនាញបច្ចេកទេសឥតគិតថ្លៃ!

9:28 PM

Sok Chenda

សាលាដុន បូស្គូ ដែលជាសាលាបណ្ដុះបណ្ដាលជំនាញបច្ចេកទេសនាំមុខគេមួយនៅក្នុងប្រទេសកម្ពុជា បានប្រកាសស្វែងរកសិស្សក្រីក្រ ដើម្បីទទួលបានឱកាសសិក្សាជំនាញបច្ចេកទេសដោយឥតគិតថ្លៃរយៈពេល ២ ឆ្នាំ។

សិស្សនិស្សិតដែលនឹងទទួលបានឱកាសសិក្សានេះ ត្រូវការឆ្លងកាត់ការធ្វើតេស្តប្រឡង និងជាសិស្សក្រីក្រពិតប្រាកដ ហើយដែលពួកគេចាប់អារម្មណ៍និងចង់សិក្សាមុខជំនាញបច្ចេកទេស។សាលាបានចាប់ទទួលពាក្យពីសិស្សក្រីក្រមួយចំនួនហើយដែលចាប់អារម្មណ៍លើមុខជំនាញបច្ចេកទេស សម្រាប់ការសិក្សារយៈពេលពីរឆ្នាំដោយឥតគិតថ្លៃ។“យើងចាប់ទទួលពាក្យតាំងពីថ្ងៃទី ១២ ខែសីហា ហើយកាលបរិច្ឆេទឈប់ទទួលពាក្យគឺនៅថ្ងៃ ១៩ សីហា ខណៈដែលកាលបរិច្ឆេទប្រឡងនឹងចាប់ផ្តើមធ្វើនៅព្រឹកថ្ងៃ ២០ សីហាខាងមុខ”។សិស្សដែលចង់ទទួលបានឱកាសសិក្សានេះ យ៉ាងហោចណាស់ក៏ត្រូវបញ្ចប់ត្រឹមថ្នាក់ទី ៩ ឡើងទៅនោះដែរ។ការផ្តល់ការសិក្សាដោយឥតគិតថ្លៃនេះ គឺដើម្បីជួយសម្រួលដល់សិស្សក្រីក្រមួយចំនួនដែលខ្វះថវិកា អាចស្វែងរកជំនាញមួយពិតប្រាកដដើម្បីធ្វើជាទុនក្នុងការប្រកបមុខរបរ និងកសាងជីវភាពនៅពេលអនាគត។ ម្យ៉ាងវិញទៀត នេះក៏ដើម្បីរួមចំណែកអភិវឌ្ឍប្រទេសកម្ពុជា តាមរយៈការបណ្តុះបណ្តាលជំនាញបច្ចេកទេស ខណៈតម្រូវការផ្នែកបច្ចេកទេសក៏កំពុងមានកំណើនពីមួយឆ្នាំទៅមួយឆ្នាំ។មុខជំនាញបច្ចេកទេសជាច្រើនដែលសាលាដុន បូស្កូ កំពុងទទួលបណ្តុះបណ្តាលដល់និស្សិតក្រីក្រកម្ពុជាក្នុងនោះមានដូចជា ជំនាញ អគ្គិសនី, ជួសជុលរថយន្ត, និងកុំព្យូទ័រជាដើម។សម្រាប់ឆ្នាំថ្មីនេះ សាលានឹងផ្តល់ឪកាសដល់និស្សិតក្រីក្រដែលអាចមានចំនួនចន្លោះពី ៣០ ទៅ ៦០ នាក់ សម្រាប់ការសិក្សារយៈពេលពីរឆ្នាំ។ សាលា ក៏អាចការផ្តល់ជូនការស្នាក់នៅបន្ថែមទៀត អាស្រ័យតាមការពិនិត្យលើស្ថានភាពជាក់ស្តែងរបស់សិស្ស។សាលាបច្ចេកទេស ដុនបូស្គូប៉ោយប៉ែត ស្ថិតនៅភូមិ មិត្តិភាព សង្កាត់ ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ។

ដោយ៖ ខ្មែអាយធី

ប្រភព៖ អនាគតកូនខ្មែរ

ស្រោមទូរសព្ទលីអូថ្មី ធ្វើឲ្យ smartphone របស់អ្នកកាន់តែសិចស៊ី

8:55 PM

Sok Chenda

បើនិយាយពីស្រោម smartphone ល្បីៗពិតជាសម្បូរបែបរាប់មិនអស់ទេ តែកាន់តែតែគួរឲ្យចាប់អារម្មណ៍ខ្លាំងជាងមុនៗទៅទៀតនោះគឺ ការរចនាស្រោមថ្មីក្នុងប្រទេសជប៉ុនពីក្រុមហ៊ុនផលិតតុក្កតាធំបំផុត Bandai នូវស្រោមទូរសព្ទថ្មីដូចខោទ្រនាប់សម្រាប់ពាក់ឲ្យ smartphone ឈ្មោះថា Painties ឬPanstu។

បើនិយាយពីការការពារទូរសព្ទ ឬបង្កលក្ខណៈងាយស្រួលក្នុងការចុចគឺមិនសូវមានប៉ុន្មានទេ ប៉ុន្តែយុវវ័យជប៉ុនមិនគិតច្រើននោះទេ ពួកគេគ្រាន់តែគិតថា ប្រើហើយមើលទៅគួរឲ្យស្រឡាញ់ និងទាន់សម័យគឺជាការស្រេច។ ស្រោមថ្មីធ្វើពីស៊ីលីកូនអាចបំពាក់បានលើ smartphone ជាច្រើនប្រភេទ ហើយមានតម្លៃប្រហែល ២០០ យ៉េន (២ ដុល្លារ) ក្នុងស្រោមមួយ។ Panstu មានដាក់លក់នៅតាមម៉ាស៊ីន Gashapon (ម៉ាស៊ីនលក់ទំនិញ) ទូទាំងប្រទេសជប៉ុន។

Trending-Bandai-Tiny-Smartphone-Panties-in-Japan-for-Your-Handhelds-Private-Parts-1

សង្ឃឹមថា នៅពេលខាងមុខផលិតផលនេះមានដាក់លក់នៅកម្ពុជាដែរចុះ ដើម្បីឲ្យអ្នកដែលចង់ឲ្យ smartphone របស់ខ្លួនកាន់តែសិចស៊ីថែមទៀតបានប្រើប្រាស់។

ដោយ៖ ខ្មែរអាយធី

ប្រភព៖ សប្បាយ

Tuesday, August 6, 2013

តើ Touchscreenមានតាំងពីពេលណា?

6:44 PM

Sok Chenda

Touchscreen ជាអ្វី? Touchscreen គឺជាបច្ចេកវិទ្យាអេឡិចត្រូនិក ដែលអាចបង្ហាញនិងបញ្ជាកម្មវិធីដោយប្រើម្រាមដៃនៅលើផ្ទាំងអេក្រង់ផ្ទាល់តែម្ដង។ Touchscreen មានលក្ខណៈពិសេសពីរយ៉ាងគឺអាចបញ្ជាកម្មវិធីបានយ៉ាងងាយដោយមិនចាំបាច់ទាមទារ Cursor មានភ្ជាប់ mouse ឬ touchpad ចង្អុលបញ្ជានោះទេ និងទីពីរវាមិនត្រូវការ device អន្តរការីបន្ថែមទៀតទេមានន័យថាមិនចាំបាច់ភ្ជាប់ជាមួយនឹងកុំព្យូទ័រទៀតឡើយ។

Touchscreen ត្រូវបានគេប្រើប្រាស់ច្រើនក្នុង Personal Digital Assistant(PDA) ឧបករណ៍ Satellite Navigation ទូរស័ព្ទចល័ត និងវីដេអូហ្គេមជាដើម។

ប្រវត្តិ

នៅឆ្នាំ 1971 លោកបណ្ឌិត Sam Hurst សាស្ត្រាចារ្យនៅសាកលវិទ្យាល័យ Kentucky និងជាស្ថាបនិកក្រុមហ៊ុន Elographics បច្ចុប្បន្នដូរមកជា EloTouchSystems បានរកឃើញបច្ចេកវិទ្យានេះដំបូងដែលគាត់ដាក់ឈ្មោះឲ្យថា Touch Sensor ។ Touch Sensor មិនដូច Touchscreen បច្ចុប្បន្នទេគឺនៅមានពណ៌ស្រអាប់នៅឡើយ។

រហូតដល់ឆ្នាំ១៩៧៤ Sam Hurst បានរកឃើញបច្ចេកទេសថ្មីដោយបានកែច្នៃកញ្ចក់របស់វាមានលក្ខណៈច្បាស់ និងថ្លាជាងមុន។ នៅឆ្នាំ១៩៧៧ ក្រុមហ៊ុនរបស់គាត់អាចរកឃើញបច្ចេកវិទ្យាថ្មីមួយទៀតមានឈ្មោះថា 5-wire resistive ដែលជាបច្ចេកវិទ្យាចុងក្រោយហើយត្រូវបានគេនិយមប្រើប្រាស់នៅពេលបច្ចុប្បន្ន។

នៅឆ្នាំ១៩៨៣ កុំព្យូទ័រម៉ាក HP-150 ត្រូវបានគេបំពាក់បច្ចេកវិទ្យានេះដំបូងបំផុតជាមួយនឹងអេក្រង់ទំហំ 9អ៊ីញ ភ្ជាប់ជាមួយ Cathode Ray Tube។

នៅឆ្នាំ១៩៩៦ Smartphone ដំបូងរបស់ IBM ម៉ាកSimonត្រូវបានគេបំពាក់ដោយបច្ចេកវិទ្យានេះដំបូង។ បន្ទាប់មកមានក្រុមហ៊ុនបច្ចេកវិទ្យាជាច្រើនចាប់ផ្ដើមប្រើប្រាស់បច្ចេកវិទ្យា Touchscreen ជាបន្ដបន្ទាប់ដូចជា Palmឆ្នាំ១៩៩៦Microsoftឆ្នាំ២០០០ Nokiaឆ្នាំ២០០៤ និង Appleឆ្នាំ២០០៧។

ប្រភេទ Touchscreen

១. Resistive Touchscreen: គឺជាបច្ចេកវិទ្យាដំបូងរបស់លោកបណ្ឌិត Sam Hurst។ វាមានច្រើនស្រទាប់ និងបែងចែកជាច្រើនប្រភេទគឺ Cathode Ray Tube (screen base), Glass Panel, Resistive Coating, Seperator Dot និង Cover Sheet។ Resistive អាចបញ្ជាបានតាមរយៈសំពាធនៃការប៉ះដោយចុងម្រាមដៃ និងក្រចកដៃ។ បច្ចុប្បន្ននេះ Touchscreen ប្រភេទមួយនេះទទួលបានការពេញនិយមបំផុត ដោយសារតែភាពងាយស្រួល រឹងមាំ និងសមត្ថភាពដ៏អស្ចារ្យរបស់វា។

២. Capacitive Touchscreen: មានអ៊ីសូឡង់នៅផ្នែកខាងក្នុងជាកញ្ចក់កែវ ប្រើភ្ជាប់ជាមួយនឹងកុងឌុចទ័រប្រភេទ Indium Tin Oxide(ITO)។ ប្រភេទនេះក៏ទទួលបានការពេញនិយមគួរសមដែរសម្រាប់ម៉ូដែល Smartphone មួយចំនួន។

បើប្រភេទកញ្ចក់Touchscreen នេះមានប្រជាប្រិយភាពដូចគ្នាតើមួយណាល្អជាងទៅ? មិនខុសទេគឺ Resistive Touchscreen ព្រោះថា Touchscreen ប្រភេទនេះ ទាល់តែទូរស័ព្ទស៊េរីខ្ពស់ៗទើបមានវត្តមាន៕

ដោយ៖ ខ្មែរអាយធី

ប្រភព៖ សប្បាយ

អ្វីទៅជា Multi-touch?

6:38 PM

Sok Chenda

ឮតែ Touchscreen ប្រាកដជាប្រិយមិត្តបានដឹងភ្លាមរួចទៅហើយថា មានន័យដូចម្ដេច។ វាជាបច្ចេកវិទ្យាអេឡិចត្រូនិកដែលអាចបង្ហាញ និងបញ្ជាកម្មវិធីដោយប្រើម្រាមដៃប៉ះទៅលើផ្ទាំងអេក្រង់ផ្ទាល់តែម្ដង។ ចុះចំណែក Multi-touch វិញតើវាមានន័យដូចម្ដេច?

50-Infrared-Multi-Touch-Overlay-40-Points-X-50-40-

Multi-touch គឺសំដៅទៅលើឧបករណ៍ទាំងឡាយណាដែលមានសមត្ថភាពអាចឱ្យ user ដំណើរការនូវជម្រើស Option ផ្សេងៗគ្នាដោយការចុច touch លើកញ្ចក់អេក្រង់ក្នុងទិសដៅផ្សេងគ្នាចាប់ពី ២ចំណុចឡើងទៅនៅពេលដំណាលគ្នាបាន។ ជាការចាំបាច់ដែរក្នុងការប្រើ Multi-touch ជាក់ស្ដែង ការប្រើមុខងារ pinch to zoom ដើម្បីពង្រីកពង្រួមអ្វីមួយអាចប្រព្រឹត្តិទៅបានដោយប្រើ touch ២ចំណុចដំណាលគ្នា។ Multi-touch ដំណើរការបានអាស្រ័យលើកត្តា ២ យ៉ាងមិនអាចខ្វះបានគឺ Hardware និង Software។

សព្វថ្ងៃគេឃើញភាគច្រើនមាននៅលើ Smartphone, Tablet, Laptop, touchtable, និង Wall Multi-touch ជាដើម។ ខាងក្រោមនេះ ជាផលិតផលដំបូងគេរបស់ក្រុមហ៊ុនល្បីមួយចំនួនដែលបានបំពាក់បច្ចេកវិទ្យា multi-touch៖

- DiamondTouch៖ ជាតុ touchscreen របស់ក្រុមហ៊ុន Mitsubishi បង្កើតឡើងនៅឆ្នាំ២០០១
- iPhone៖ ជា Smartphone របស់ Apple ដែលផលិតនៅឆ្នាំ២០០៧
- PixelSense ដែលពីមុនហៅថា Surface របស់ Microsoft បង្កើតនៅឆ្នាំ២០០៧
- Open Source system CUBIT (multi-touch) របស់ Nortd Labs បង្កើតនៅឆ្នាំ២០០៧
- ELAN eFinger

Multi-touch ក៏ត្រូវបានក្រុមហ៊ុនបច្ចេកវិទ្យាជាច្រើនលើលោក មិនថាផលិត Smart Device ឬកុំព្យូទ័រទេ គឺសុទ្ធតែបានជ្រើសរើសយកបច្ចេកវិទ្យាអេឡិចត្រូនិកនេះមកបំពាក់នៅលើឧបករណ៍រៀងៗខ្លួន។ ខាងក្រោមនេះ ជា Device មួយចំនួនដែលបានប្រើ Multi-touch៖

- Multi-touch Overlay៖ ជាប្រភេទឧបករណ៍សំប៉ែតមានកម្រាស់ស្ដើងរាបស្មើ ដែលអាចដាក់គ្របលើឧបករណ៍ផ្សេងៗដើម្បីឱ្យមានសមត្ថភាពអាច touch លើ screen បាន។ វាអាចដំណើរការបាននៅលើប្រព័ន្ធប្រតិបត្តិការជំនាន់Windows XP ឡើងទៅ និង Mac OS X។

- Multi-touch Tablet

- Multi-touch Smartphone

- Wall Multi-touch

ដោយ៖ ខ្មែរអាយធី

ប្រភព៖ សប្បាយ

អ្វីទៅជា Data Center?

6:28 PM

Sok Chenda

Data Center ឬអាចហៅម្យ៉ាងទៀតថា “Computer Center” គឺជាការប្រើប្រាស់ប្រព័ន្ធកុំព្យូទ័រធំរួមមួយ និងបានភ្ជាប់បញ្ចូលគ្នានូវសមាសភាពផ្សំរបស់កុំព្យូទ័រ ដូចជាបណ្ដាញទូរគមនាគមន៍ (telecommunication) និងប្រព័ន្ធសម្រាប់រក្សាទុកទិន្នន័យ។

ធម្មតា Data Center មានការកំណត់ទីតាំងនៅកន្លែងមួយជាក់លាក់។ ជាទូទៅវាមាននូវ redundant ឬក៏ Backup power supply, redundant data communication connection, environmental control (ឧទាហរណ៍៖ ការធ្វើឱ្យអាកាសធាតុមានលក្ខខណ្ឌកំណត់ដើម្បីទ្រទ្រង់នៅក្នុងបន្ទប់ផ្ទុក Data Center ឱ្យដំណើរការបានប្រសើរ ជៀសវាងឡើងកម្ដៅខ្លាំងជ្រុល និងការត្រៀម ទប់ទល់នឹងអគ្គិភ័យកើតមានជាដើម) និងកំណត់ឱ្យ device ផ្សេងៗទៀតមានសុវត្ថិភាព។

Data Center ធំៗខ្លះត្រូវបានបញ្ចូលទៅជាប្រតិបត្តិការកម្រិតឧស្សាហកម្មដែលត្រូវការប្រភពថាមពលអគ្គិសនីយ៉ាងច្រើន ដែល Data Center ខ្លះត្រូវការថាមពលស្មើនឹងបម្រើបម្រាស់ថាមពលក្នុងទីក្រុងតូចមួយ។

Data Center អាចមានន័យស្មើនឹង Network Operating Center (NOC) ដែលជាការ access ចូលទៅកាន់តំបន់ដែលមានផ្ទុក automated system សម្រាប់ប្រើជា Server, Web traffic និង network performance។

Data Center មាន root ជាច្រើននៅក្នុងបន្ទប់កុំព្យូទ័រយ៉ាងធំ ហើយមានលក្ខណៈស្មុគស្មាញនៅក្នុងប្រតិបត្តិការនានា និងការថែទាំប្រព័ន្ធ ហើយក៏ចាំបាច់ខ្លាំងណាស់ចំពោះការកំណត់កម្រិតសីតុណ្ហភាពឱ្យបានត្រឹមត្រូវក្នុងប្រតិបត្តិការ។

ក៏តម្រូវឱ្យមានខ្សែ (cable) ជាច្រើនចាំបាច់សម្រាប់ប្រើក្នុងការភ្ជាប់ពីសមាសភាពទាំងអស់ឱ្យមានទំនាក់ទំនងគ្នា ព្រមទាំងវិធីសាស្ត្រនានា (method) ដើម្បីងាយស្រួលគ្រប់គ្រង និងរៀបចំដូច៖ standard rack សម្រាប់ mount equipment, elevated floor និង cable tray (installed overhead or under the elevated floor)។

Data Center របស់ Apple នៅរដ្ឋ North Caroline សហរដ្ឋអាមេរិក

Data Center របស់ Facebook នៅ Prineville

Data Center របស់ Google នៅទីក្រុង Council Bluffs រដ្ឋ Lova

លើកឧទាហរណ៍ពី National Climatic Data Center (NCDC) ជា Public Data Center ប្រើជាសាធារណ រក្សាទុកនូវព័ត៌មានពីអាកាសធាតុលើពិភពលោក។ រីឯ Private Data Center គឺត្រូវបានប្រើសម្រាប់រក្សាទុកទិន្នន័យផ្ទាល់ខ្លួនរបស់ក្រុមហ៊ុន អង្គការ ឬស្ថាប័នណាមួយ និយាយជារួមទៅស្ថាប័នមួយៗ តែងមាន Data Center របស់គេមួយ។

Data Center មួយៗមានតម្លៃថ្លៃពិបាកកំណត់បាន គឺវាអាស្រ័យនឹងតម្រូវការរបស់គេ ក៏ទៅតាមសមត្ថភាពសមាសធាតុផ្សំដែលយកមកបង្កើតផងដែរ៕

ដោយ៖ ខ្មែរអាយធី

ប្រភព៖ សប្បាយ

ការពិពណ៏នាអំពី ប្លុក

ប្លុកខ្មែរអាយធីគ្រាន់តែជាប្លុកដែលបានយកគំរូពីវែបសាយរបស់ GOOGLE ដែលមានឈ្មោះថា Blogger តែប៉ុណ្ណោះ និងខ្មែរអាយធីចង់ចែករំលែកព៍ត័មានថ្មីៗ និងចំណេះដឹងថ្មីៗជួនដល់ប្រិយមិត្តដែលបានគាំទ្រ វែបសាយរបស់ ខ្មែរអាយធីអោយទទួលបានចំណេះដឹងសំរាប់ ការសិក្សាស្រាវជ្រាវតាមដាន និងចែករំលែកចំណេះដឹងតែប៉ុណ្ណោះ។ សង្ឃឹមថាប្រិយមិត្តជួយគាំទ្រយើងរាល់ការខ្វះខាត ចន្លោះត្រង់ណាមួយដែល ខ្មែរអាយធី មានកំហុសនោះផង ៕ យើងខ្ញុំរង់ចាំទទួលមតិរិះគុណដើម្បីស្ថាបនាពីសំណាក់ប្រិយមិត្តគ្រប់ពេលវេលាតាមរយៈ ទួរស័ព្ទលេខ ៖ ០៩៨ ៩៥ ៤៣ ៨០ រឺតាមរយៈ អ៊ីម៉ែលៈ chendajumong@gmail.com , សូមអរគុណ !

Design by NewWpThemes | Blogger Theme by Lasantha - Premium Blogger Templates | NewBloggerThemes.com

Main Board

Main Board

Card Reader

Hard Disk

Power Supply

Monday, November 11, 2013

អស់កង្វល់ក្នុងការចែក Drive លើកុំព្យូទ័រដោយមិនចាំបាច់ដំឡើង Windows ជាថ្មី

Monday, September 30, 2013

Wednesday, September 25, 2013

ថ្លៃដើមផលិត iPhone 5S អស់តែ ១៩១ដុល្លារទេ

Monday, August 12, 2013

សករាជ 5S និង 5C ដ៏អាថ៌កំបាំងត្រៀមប្រកាសនៅថ្ងៃទី១០ កញ្ញា

Thursday, August 8, 2013

ដុន បូស្កូប៉ោយប៉ែតស្វែងរកសិស្សក្រីក្រសិក្សាជំនាញបច្ចេកទេសឥតគិតថ្លៃ!

ស្រោមទូរសព្ទលីអូថ្មី ធ្វើឲ្យ smartphone របស់អ្នកកាន់តែសិចស៊ី

Tuesday, August 6, 2013

តើ Touchscreenមានតាំងពីពេលណា?

អ្វីទៅជា Multi-touch?

អ្វីទៅជា Data Center?

ពត៍មានថ្មីៗ

ការពិពណ៏នាអំពី ប្លុក

ពត៍មានរបស់វែបសាយ

កាតាឡុកវែបសាយ

ឯកសារសំខាន់ៗ

ផ្សេងៗ