RSS Feed
Twitter
8:13 PM
Sok Chenda
Hungry ObOb ត្រូវបាន Microsoft ទទួលស្គាល់ និងដាក់ឲ្យប្រើប្រាស់ជាផ្លូវការហើយនៅលើ Windows Store បន្ទាប់ពីកែសម្រួលចំណុចខ្វះខាតមួយចំនួនទទួលបានជោគជ័យរួចមក។ កាន់តែគួរឲ្យចាប់អារម្មណ៍នោះ Hungry ObOb ក៏ជាហ្គេមខ្មែរទីមួយ ក្នុងចំណោមហ្គេមជាង ១៦ ម៉ឺនហ្គេមផ្សេងទៀត ដែលមាននៅលើ Windows Store របស់ Microsoft។
យុវជន ឈួម រតនា ស្ថាបនិកមួយរូប និងដែលកាន់តួនាទីជាអ្នកធ្វើ Animation និង Interface ក្នុងក្រុមការងារផលិតហ្គេម Hungry ObOb បានឲ្យដឹងថា Hungry ObOb ពេលនេះអ្នកប្រើប្រាស់អាចទាញយកដោយឥតគិតថ្លៃពី Windows Store សម្រាប់ Version ដំបូងនេះ។
ហ្គេម Hungry ObOb ត្រូវយុវជនមួយក្រុមចាប់ផ្ដើមធ្វើកាលពីដើមឆ្នាំ ២០១៣ មកម្ល៉េះ។ អ្វីគួរឲ្យចាប់អារម្មណ៍ Hungry ObOb មានដាក់រូបភាពផ្សេងៗដូចជាប្រាសាទបុរាណខ្មែរ និងទេសភាពប្រទេសខ្មែរមួយចំនួនទៀត។ ប៉ុន្តែបញ្ហាគឺវានៅដំណើរការណ៍យឺត នៅពេលបើកលេងដំបូង ដែលនេះទាមទារឲ្យមានការកែសម្រួលឡើងវិញ។
រតនា បានបញ្ជាក់ថា ដោយមើលឃើញបែបនេះ និងទទួលបានការណែនាំខ្លះៗពី Microsoft ខាងក្រុមការងាររបស់គេ បានកែសម្រួលលើចំណុចខ្វះខាតមួយចំនួន ដូចជាបញ្ហាដំណើរការណ៍យឺត ដើម្បីឲ្យស្របតាមការចង់បាន និងលក្ខខណ្ឌកំណត់ពី Microsoft។
ក្រោយពេលកែសម្រួលរួចឃើញថា វាបានដំណើរការណ៍បានប្រសើរ និងលឿនជាងមុន ហើយ Microsoft ក៏ប្រកាសដាក់ឲ្យអតិថិជនទាញប្រើប្រាស់ហ្គេមថ្មីនេះនៅលើ Window Store គឺតែពីរថ្ងៃប៉ុណ្ណោះ បន្ទាប់ពីក្រុមហ៊ុនបង្ហាញប្រព័ន្ធដំណើរការណ៍ថ្មី Window 8.1 Preview។
យុវជនរូបនេះ បានសំដែងក្តីរីករាយ និងមោទនភាពសម្រាប់សមិទ្ធផលផលិតហ្គេមរបស់ក្រុមគេនេះ និងសង្ឃឹមថានឹងទទួលបានការគាំទ្រពីអ្នកប្រើប្រាស់នៅជុំវិញពិភពលោក ជាពិសេសអ្នកប្រើប្រាស់ក្នុងស្រុក។
តើមិត្តយុវវ័យបានសាកល្បងលេងហ្គេម Hungry ObOb ហើយឬនៅ? ចុចត្រង់នេះ ដើម្បីទាញយក។
បន្តអានអត្ថបទស្នាដៃកូនខ្មែរដទៃទៀត សូមចុចត្រង់នេះ។
ដោយ៖ ខ្មែរអាយធី
ប្រភព៖ សប្បាយ
0 comments:
Post a Comment